Këtë të diel në emisionin “Shihemi në gjyq” ka patur një përplasje të pazakontë të vjehrrit Leko dhe dhëndrit të tij Artir. Dhëndri i tij Artir kërkon borxhin prej 15 milionë lekësh të vjetra që i detyrohet prej 10 vitesh pasi i duhen për një operacion dhe vjehrri e pranon këtë borxh.
Ata debatojnë të dy pasi aktualisht për shkak të konflikteve dhe problemeve me pronën vjehrri Leko nuk ka mundësi ta paguajë borxhin por se do ia paguajë borxhin kur të ketë mundësi. Ai ka thënë se kur të marr lejet e shtëpive do t’i shesi por dhëndri ironizon duke deklaruar se nuk ka kush tia blejë shtëpitë në majë të malit.
Pjesë të shkëputura nga debati
Leko: Po, unë borxhin ia pranoj që ia kam marrë. Nuk ia bëj hasha.
Artir: Po mua më duhen sot, nuk më duhen mot.
Leko: Po ku t’i gjej moj zonja Eni?
Ardit Gjebrea: Sa Lekë i ka marrë?
Eni Çobani: Do ta thuash shumën e parave apo sdo ta thuash? Sa e ke shumën e parave? Mos të të vijë zor se nuk ka problem, çdo lek është i ndershëm, i pastër.
Artir: Një milionë e 500 mijë të reja.
Eni Çobani: 15 milionë Lekë të vjetra.
Artir: Zonja Eni, mua në qoftë se nuk do të më kishte filluar problemi i këmbës unë do ta prisja.
Eni Çobani: Akoma? 10 vjet e ke pritur.
Artir: Po s’ka gjë se prapë njeriu im është. Por që kur më filloi problemi i këmbës dhe unë nuk punoj dot….
Leko: Zonja Eni, unë nuk ia kam bërë hasha dhe nuk ia bëj hasha. Ta them sinqerisht, unë me të bërë dokumentat…
Eni Çobani: Ti do ta shesësh këtë shtëpi, çfarë do të bësh?
Leko: Unë me të bërë dokumentet, do ia jap paratë. Ta them sinqerisht, ja ku jeni të tërë këtu.
Eni Çobani: Po ku do ti gjesh?
Leko: Po mora lejen e shtëpive, unë do t’i shes.
Artir: Po kush do ia blejë shtëpinë atje? Shtëpia ndodhet mu në majë të malit! Kush do ia blejë atje?
