Ndalohet në aeroportin e Tiranës, biznesmeni Gani Manollari i cili dyshohet se i ka dhënë 18 mijë euro oficerit të policisë gjyqësore Fatos Lushi në këmbim të lirimit të një llogarie bankare të bllokuar prej 150 mijë eurosh. 41 vjeçari me pasaportë italiane është ndaluar një orë pas mesnatës së 16 tetori në aeroportin “Nënë Tereza”.
Prokurori Ardian Braho u denoncua nga emisioni investigativ “Stop” pasi i morri rryshfet biznesmenit për t’i zgjidhur një çështje gjyqësore që kishte të bënte me bllokimin e një shume parash prej 150 mijë eurosh.
Aktualisht prokurori Braho është pezulluar nga detyra ndërkohë Gjykata e Krimeve të Rënda, ka caktuar masën e sigurisë “arrest me burg” në mungesë për oficerin të prokurorisë Fatos Lushi tashmë i shpallur në kërkim.
