Detajet/ Lanë shapkat anës rezervuarit, si e inskenuan 3 autorët mbytjen e 26-vjeçarit në rezervuar

Dalin të tjera detaje nga inskenimi i vrasjes së 26-vjeçarit, në Maliq të Korçës. Mësohet se 26 vjeçari Martin Çeço është mbytur me litar dhe më pas është hedhur në rezervuarin e Kolanecit, në Maliq.
Autorët për tu dukur se ishte vetëvrasje kishin lënë dhe shapkat e viktimës anës rezervuarit. Ata i kishin kërkuar viktimës të ndërpriste marrëdhënien me vajzën e mitur me të cilën ishte në lidhje.
“U dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën M. Ç., në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit” informon sot policia e Korçës
Ndërkohë burimet bëjnë me dije se pas këtij krimi fshihet një lidhje dashurie që 26 vjeçari kishte me një vajzë me të cilën komunikonte vazhdimisht.
Autorët i kanë kërkuar të riut që të ndërpriste bisedën me të renë por ai nuk ka pranuar.
Vetë motra I ka kërkuar babait të bënte denoncimin e zhdukjes së të vëllasë ndërsa 26 vjeçari nuk kishte mbaruar as shkollën 9 vjeçare dhe as nuk dinte as të shkruante as të lexonte.
Viktima nuk lëvizte nga fshati i tij dhe merrej vetëm me prerjen e lëndëve drusore me babanë e tij.
Në pranga si autorë të dyshuar të vrasjes së Martin Çeços janë Bleti Angjo, Valter Mollaj dhe Edlir Mollaj.