Kolumbiani i shpallur në kërkim nga Policia e Shtetit, i cili shoqëroi ngarkesën prej 430 kilogramësh kokainë nga vendi i origjinës deri në destinacionin final. Ky dyshim i grupi të hetimit rreth 49-vjeçarit, Samir Rodriguez përputhet me itinerarin që ka ndjekur dhe nga ngarkesa e drogës nga Kolumbia.
Hetimet
Nga verifikimet e kryera ai ka qenë në Athinë dhe ka fluturuar më 13 Korrik të 2022 në Podgoricë. Po në këto data është nisur dhe plehu organik nga Porti i Pireut në drejtim të atij Bar në Mal të Zi. Por këto fluturime nuk janë kryer vetëm nga Rodriguez, pasi ai ka qenë i shoqëruar dhe nga bashkëkombas i tij me incialet F.B i cili nga verifikimet nuk ka hyrë në Shqipëri asnjëherë.
Të dy këta persona dyshohet se ishin kontaktuar nga grupi kriminal për të ekstraktuar kokainën nga plehu organik. Por në vendin tonë ka hyrë vetëm Rodriguez, i cili për herë të parë ka shkuar në ambientet e laboratorit më 12 Nëntor të këtij viti. Por në Shqipëri nuk lëvizte vetëm pasi ai shoqërohej nga Redion Meshi, Bledar Matoshi dhe Julian Malaj. Të tre të arrestuar në kuadër të opercionit ‘Konsistenca’.
Lajmi për drogën u publikua fillimisht nga mediat malazeze, pasi në portin e Tivarit prej muajsh 24 ton pleh kimik i përzierë me 430 kilogramë kokainë priste për marrësin. Kur ky i fundit shkoi në port, ndërhyri DEA dhe u bë arrestimi i tij. Më pas u organizua operacioni për prangosjen e personave të tjerë në Shqipëri.
Të arrestuarit
Deri më tani janë arrestuar: Zenel Cervanaku, i cili akuzohet se është edhe porositësi i kësaj sasie kokaine; Viktor Çervanaku, ish-kryetari i komunës së Frakullit, djali i tij së bashku me të fejuarën, Denilson Çervenaku dhe Enxhi Ferhati; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë; Redion Meshi, 22 vjeç; Marildo Rona, Nikolin Gjolena, Julian Malaj dhe Bledar Matoshi. Në kërkim është shpallur kolumbiani Zaimir Rodrigez, i cili dyshohet se kishte ardhur në Shqipëri për të bërë ndarjen e kokainës nga plehu kimik. Në kuadër të këtij operacioni u sekuestruan 15,910 Euro; 3 armë zjarri automatik kallashnikov; 3 armë zjarri të llojit pistoletë; 108 copë fishekë luftarake të kalibrave të ndryshëm; 18 aparate telefonash celulare; 5 automjete; 2 laptop dhe 2 armë gjahu.
