Asgjë më shumë se sa paketa McAllister, ky ishte qëndrimi i prerë që ka mbajtur Rama në takim me Bashën ndërsa ky i fundit ka kërkuar shumë më tepër se kaq. Pas tre orë bisedimesh, kreu i mazhorancës dhe ai i opozitës nuk kanë mundur të shkojnë drejt marrëveshjes pasi nuk kanë tentuar për asnjë çast të lëvizin nga pozicionet e tyre. Për Ramën gjithçka mund të lëshojë janë propozimet e negociatorit të Brukselit, Daid McAllistër, zvpresident i PPE-ve. Në atë paketë parashikohet:
Shtyrja e zgjedhjeve me 16 korrik.
Zëvëndësimi i katër ministrave te kabinetit Rama me persona teknik të zgjedhur nga Rama dhe të aprovuar nga opozita.
Dhe një paketë mikse ku shihen zgjedhje me konsensus të Presidentit te Republikës, të Avokatit të Popullit, kalimin e kryetarit të KQZ opozites, por jo shumicën në KQZ, dakordësimi për një tryezë të rrumbullakët të OSBE, pjesëmarrje te OJQ-ve në gjithë këtë proces.
Kurse Basha kërkon shumë më tepër se kaq, pasi kërkon qeverinë teknike. Edhe pse është lënë e hapur mundësia për vazhdimin e negociatave, marrëveshja duket të jetë e pamundur.
Ora 19:00 e pasdites së sotme do të jetë afati i fundit për të kuptuar nëse do të ketë ndonjë ndonjë përgjigje nga kreu i opozitë Lulzim Basha.
