Këngëtarja Ariana Grande ka shprehur keqardhjen pas sulmit në koncertin e saj në Manchester në Angli, ku mbetën të vdekur 22 persona dhe të plagosur 59 të tjerë.
“Nga thellësia e zemrës sime, më vjen keq, nuk kam fjalë”, shkruan Grande në një postim në twitter disa orë pas sulmit. Burime nga CNN informojnë se këngëtarja nuk kishte pësuar lëndime nga sulmi.
Të tjerë persona të pranishëm në masakër kanë treguar për “Daily Mail” orët e tmerrit.
“Dëgjova një shpërthim të fuqishëm shumë pranë meje, ndërsa copëza lëkurë më ranë në flokë dhe në çantë. Pamje që s’do t’i harrojë kurrë. Uroj që askush mos t’i provojë”. Kjo është dëshmia tragjike që vjen një prej të plagosurve nga sulmi në “Arena Manchester”.
“Nuk e di se ça mund të ketë në flokët e mia, veç Perëndia e di. Dëgjova një shpërthim, gjak dhe njerëz që vraponin me pjesët e trupit të copëtuara, copëza lëkure që u mungonin”, rrëfen Abby Mullen.
Ndërkohë, Gary Walker, nga Leeds, i cili ishte në vendngjarje bashkë me gruan dhe dy vajzat, pohoi se ngjarja ndodhi pas këngës së fundit në koncert.
“Po prisja që fëmijët të dilnin jashtë. Kemi dëgjuar këngën e fundit dhe shumë dhe më pas pamë që truma e njerëzve dilte jashtë mes panikut. Ndjeva pak dhimbje në këmbë. Gruaja ime tha: “Duhet të shtrihem”. Ajo kishte marrë një plagë në stomak dhe kishte thyer këmbën”, tha dëshmitari. Ndër të tjera ai theksoi se gruaja e tij ishte nxjerrë nga ndërtesa me anë të një tavoline.
https://www.youtube.com/watch?v=LSNeGjD1aZs
