Erdet Çapoku u kap disa orë pasi kreu krimin makabër në Paskuqan gjatë mëngjesit të sotëm ku vrau kunatën e tij Enkeleda Çapoku.
“Isha i dehur. Kemi patur konflikte të vazhdueshme pasi dyshoja se kunata tradhtonte vëllain”, është shprehur ai pasi e arrestuan, ndërsa lë të kuptohet se i kishte dhënë vetes misionin për të ruajtur nderin e kunatës.
Vëllai i Erdet Çapokut gjendej në burg prej disa vitesh pasi ishte dënuar për trafik të lëndëve narkotike, ndërsa familjarët e Enkeledës thanë se ai e shantazhonte atë me video duke i kërkuar para.
