Ministri i Transporteve, Sokol Dervishaj tha se buxheti për Ministrinë që ai drejton për vitin 2017 është më i lartë se ai i një viti më parë, megjithatë, vetëm 9 përqind e shumës do të përdoret për rrugë të reja.
“Buxheti që ne kemi është 31 miliardë lekë. Do të kemi në fokus për të përfunduar ato projekte që kanë afate brenda 2017. Vetëm 9 përqind e buxhetit është për investime të reja në rrugë”, u shpreh ai.
Gjatë fjalës së mbajtur prej tij në Komisionin e Veprimtarive Prodhuese Dervishaj kërkoi më shumë vëmendje për portet.
“Jemi marrë shumë me rrugët, por kemi harruar sektorin e portual. Të gjitha rrugët na lidhin me portet, por s’i kemi kushtuar vëmendjen porteve”, u shpreh Ministri.
Gjithashtu Ministri premtoi se rruga në hyrje të Pogradecit do të përfundojë, po ashtu edhe ajo që lidh Tiranën me Elbasanin.
