Arsenali triumfon 2-1 ndaj Chelseat në ndeshjen e Premier League. Ekipi i Artetas kaloi në avantazh në minutën e 21-të, falë një goli të Salibas. Një autogol i Hincapie vendosi ekuilibrat në fundin e pjesës së parë.
Arsenal kryeson kampionatin anglez me 64 pikë, 5 më shumë se City ndjekës. Ekipi i Rosenior është në vendin e gjashtë.
Kapiteni i Chelseat, Reece James, duke folur për Sky Sports: “Është zhgënjyese të largohesh duarbosh. Kur ishte 1-1, patëm një gjysmë shansi për ta bërë 2-1, portieri i tyre bëri një pritje të mirë, ata morën një goditje standarde dhe arritën të shënonin.”
Për rëndësinë e goditjeve standarde: “Ky është futbolli tani në vitin 2026, 90% e golave janë ndoshta goditje standarde. Ata [Arsenali] janë një nga liderët në botë [në goditje standarde].
“Ata janë të vështirë për t’u ndaluar, ata shënuan dy sot. Të zhgënjyer. Por ne shënuam një, patëm një shans tjetër për të shënuar një tjetër, por nuk ishte e thënë të ndodhte sot.”
Për kartonin e kuq te Pedro Netos dhe problemet disiplinore të Chelseat: “Kemi folur për këtë, është ngritur disa herë, çdo herë është dikush i ndryshëm, jo i njëjti lojtar. Brenda nesh duhet të rishikojmë dhe të vazhdojmë të përmirësohemi. Është problem, ne po luajmë në ligën më të fortë në botë, kur luan kundër 11 kundër 11, të parëve ose të fundit, është e vështirë, 11 kundër 10 është edhe më e vështirë pavarësisht se me kë po luan.
“Nuk kam dyshim se në ekip dhe në staf, nuk shkoi mirë sot, por duhet të riorganizohemi dhe të rifillojmë.”
Nje nga astet e diksutueshme ishte goli ne fund anuluar. Liam Delap e coi topin në rrjetë, por flamuri është në pozicion jashtë loje. Ishte për Joao Pedron.
Me heret Chelsea pretendoi edhe penallti, por VAR vendosi se nuk kishte faull.
gijotina.com/
