Deputetja e Partisë Demokratike, Merita Bakiu i ka kërkuar Lulzim Bashës që të mbajë përgjegjësinë për humbjen e thellë më “6 mars”.
Gjatë një reagimi në rrjetet sociale, Bakiu shkruan se Basha duhet të japë dorëheqjen sa më shpejt dhe të zhvillohen zgjedhje brenda Partisë Demokratike për të përcaktuar kryetarin e ri.
Reagimi nga Merita Bakiu:
“Ndodhemi në një situatë të vështirë, ndofta me keq se vitin 1997, për arsye se përveç humbjes së tmerrshme kemi dhe një PD të përçarë.
Në këtë moment po nuk morëm përgjegjësitë do të jemi dhe dëshmitarë të shkatërrimit përfundimtar. Nuk mund të fshihemi më pas siglës , anëtarësia dhe për më tepër votat popullore na treguan realitetin.
Përgjegjësia fillon së pari tek ju kryetar e më poshtë. PD shpëton duke u bashkuar dhe ky bashkim fillon me dorëheqjen tuaj dhe çuarjen në zgjedhje të reja brenda PD ku bëjnë pjesë edhe anëtarët, miqtë e bashkëpunëtorët që sot i janë bashkuar foltores.
Nuk bëhet fjalë për të gjetur fajtorë, por për të marrë përgjegjësi e për të bërë zgjidhje.
Ja kemi borxh demokratëve bashkimin”
