Lidhur me përmbytjet, situata më e rënduar paraqitet në fshatin Bruc, ku disa familje janë izoluar për shkak të përmbytjes së shtëpive, gjësë së gjallë dhe tokave bujqësore.
Deputetja demokrate Dhurata Çupi i ka bërë thirrje për ndërhyrje emergjente strukturave të Emergjencës Civile dhe shtetit në tërësi.
Deputetja e PD shprehu shqetësimin për sigurinë e jetës së grave dhe fëmijëve, të cilët po strehohen ku të munden.
“Të bëjmë gjithcka për të shmangur çdo rrezik për jetë njerëzish”, apeloi deputetja, e cila vuri në dukje dhe mungesën e energjisë elektrike.
