Është deportuar nga SHBA Tomor Çela, i akuzuar për një vrasje të dyfishtë të ndodhur në vitin 1997. Çela së bashku me vëllain e tij, në vitin 1997 ka vrarë për motive të dobëta, shtetasit L. H. dhe E. D.
Çela ishte shpallur në kërkim ndërkombëtar, pasi Gjykata e Shkallës së Parë Tiranë, me vendimin e datës 24.02.2014, e ka dënuar me 23 vjet burgim, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.
Ai pritet që të vuaj dënimin e dhënë ndaj tij në një nga burgjet tona.
