Drejtori i Erion Veliajt në UKT, Elton Kacidhja, me sa duket kërkon t’ia kalojë edhe shefit të tij sa i përket bërjes së procedurave tenderuese në shkelje të rregullave të prokurimit publik. Gijotina.com ka denoncuar disa raste të institucionit që Kacidhja drejton, i cili favorizon kompanitë e miqve të tij në procedurat publike. Por rasti që do të trajtojmë sot, vërteton pikërisht shqetësimin që sipërcituam.
Në datën 7 Mars, UKT ka hapur një tender për blerjen e kimikateve, ose e thënë më thjeshtë për blerje klori. Tenderi mban numrin e referencës REF-24365-04-07-2022 dhe ka fondin limit 196,250,000 milionë lekë të reja, ose rreth 2 miliardë lekë të vjetra. Si në çdo procedurë, edhe në këtë tender siç duket kompania fituese mund të jetë paracaktuar.
Këtë vërteton edhe ankesa që ka mbërritur Komisionin e Prokurorimit Publik, nga kompania “Albania Distribution Chemicals”, e cila ka qenë pjesëmarrëse në garë. Në ankesën e saj, kompania shprehet se në datën 14 Prill, UKT ka nxjerr shtojca duke zëvendësuar disa kritere dhe një prej tyre ishte që procedurën ta hedh me “Marrëveshje Kuadër me një Operator Ekonomik”, pra procedura të zhvillohej vetë më një kompani.
Siç e thamë dhe më sipër, UKT do ta ketë paracaktuar kompaninë fituese dhe për këtë ka bërë manovra në kritere që kompani të shpallet fituese. Këtë sqaron edhe “Albania Distribution Chemicals” në ankesën e saj ku shprehet se që prej vitit 2016 e deri më sot, këtë tender të UKT-së e ka fituar e njëjta kompani, duke u skualifikuar të gjithë operatorët e tjerë me arsyen se nuk kanë përmbushur kriteret. Sipas ankesës, shpallja fituese e të njëjës kompani vërtetin faktet e tyre që kjo procedurë nuk duhet të jetë marrëveshje kuadër me një operator ekonomik.
Në një kërkim që bëri Gijotina.com, kompania që është akuzuar që ka dalë fituese pa asnjë konkurrent në garë kur bëhet fjalë për blerjen e klorit për interes të UKT-së, është “W. Center”. Por, kushdo që të jetë kompania që ka fituar që nga 2016-ta deri më sot këtë tender nga UKT, duket pak absurde dhe vjen “erë” favorizimi. Dhe duke qenë se bëhet fjalë për institucionin që drejtohet nga Elton Kacidhja, atëherë dyshimet nuk duhet të ekzistojnë se po bëhet e njëjta gjë, që edhe ca lekë nga taksat e qytetarëve t’i ndajë me kompanitë e miqve të tij. Nuk na mbetet gjë tjetër, veçse ti themi edhe Kacidhes e past ‘dorën e lehtë’ me kacidhet e qytetarëve pa ujë!/Marrë nga Gijotina.com/
