Lidhur me Raportin Vjetor Europian të Drogave të vitit 2017, ministri i Brendshëm Dritan Demiraj ka reaguar duke thënë se është thellësisht i angazhuar për ta nxjerrë Shqipërinë nga harta e kultivimit dhe trafikimit të lëndëve narkotike.
Demiraj ka filluar një komunikim intensiv jo vetëm me drejtuesit e Policisë, por edhe me drejtuesit e agjencive të tjera, për të pasur një reagim më të koordinuar për një luftë pa kompromis ndaj këtij fenomeni.
“Ministri Demiraj përgëzon punën goditëse të Policisë së Shtetit në parandalimin dhe trafikimin e lëndëve narkotike dhe garanton mbështetje plotë të të gjitha strukturave për zbatimin e Planit të Veprimit kundër Kultivimit dhe Trafikimit të Kanabisit 2017–2020”, thuhet në deklaratën e ministrit Demiraj.
