Këngëtarja e njohur shqiptare, Rovena Stefa, ditë më parë ka reaguar në InstaStory, ku ka komentuar luftën Ukrainë-Rusi. Ajo u rikujtoi shqiptarëve se si Ukraina kishte ndihmuar në armatimin e agresorit serb në kohën e Luftës së Kosovës (1997-1999).
Rovena tha se me shqetësim ka pranuar reagime të shumta nga njerëzit në rrjetet sociale, duke e etiketuar qëndrimin e saj si pro-ruse apo pro luftës që po ndodh.
“Unë kam dhënë një fakt për kujtesë të shqiptarëve që Ukraina para pak vitesh dërgoi ushtarë që luftuan kundër shqiptarëve e për llogari të serbëve. Kjo nuk do të thotë se jam kundër Ukrainës apo se e përkrah luftën apo se jam pro Rusisë.
Jam çdo herë kundër luftës kudo që ndodh ajo. Por të kemi kujdes ne si shqiptarë përpara se të nisemi të luftojmë për një vend tjetër, aq më tepër kur ai vend na ka sulmuar jo më larg se disa vite më parë”, ka thënë Rovena Stefa.
