Një ditë më parë, këngëtari Kastro Zizo humbi të ëmën e cila nuk arriti dot ta mposhtte luftën e gjatë me sëmundjen e rëndë. Sot, pasi e shtrenjta e këngëtarit është përcjellë për në banesën e fundit, të shumta kanë qenë ngushëllimet edhe nga miqtë virtualë që i kanë shkruar këngëtarit duke ia bërë dhimbjen disi më të lehtë.
Në një status të postuar në profilin e tij në Facebook, Kastro ka ndarë dhimbjen me miqtë që i kanë qëndruar pranë në këtë moment të vështirë të jetës.
“Miq, të dashur, shokët e mi… Ju falënderoj nga zemra për çdo ngushëllim tuajin. Më lehtësuat dhimbjen e madhe. Jua shpërblefsha në të mira dhe gëzime. Humbja e nënës është thikë në zemër, por njeriu duhet të bëhet i fortë dhe të vazhdojë jetën duke e kujtuar dhe adhuruar përjetë. Një falënderim i veçantë u shkon shokëve të mi të ngushtë që m’u gjenden si vëllezër gjaku. Nëna ime, do të të dua përjetë. Lotët e mi t’u bëfshin lumturi në parajsë. Do më mungosh shumë…”
