Pavarësisht se Partia Demokratike ka vendosur që të mos futet në zgjedhjet e 30 Qershorit, ajo ka kërkuar që të ketë komisionerë në KZAZ-të përkatëse.
Në mbledhjen e sotme të KQZ ka marrë pjesë Njazi Kosovrasti. Ai u shpreh se të drejtën për të marrë pjesë në mbledhjen e KQZ ia jep kodi zgjedhor.
Prania e z.Kosovrasti në mbledhje është shoqëruar me debate, me kreun e KQZ, Denar Biba.
Pjesë nga debati:
Biba: Zoti Kosovrasti, interesimi juaj kur nuk jeni subjekt zgjedhor ështe i njëjtë me atë të gazetarëve
Kosovrasti: Sipas jush nuk duhet të jem unë këtu. Sipas jush PD duhet të vijë vetëm për të parë?
Biba: Intensiteti i ndërhyrjeve tuaja më duket i tepruar se nuk jeni subjekt zgjedhor. Jeni regjistruar për zgjedhjet e 30 qershorit?
Kosovrasti: Ç’punë keni ju, jemi parti parlamentare
Biba: Unë qëndrova në elementin administrativ
Kosovrasti: Nuk e vendosni ju masën e ndërhyrjeve te mia
Ditën e djeshme, PD dorëzoi në KQZ komisionerët që do të përbëjnë KZAZ.
