Komisioni Hetimor për 25 prillin u shoqërua me debate edhe ditën e sotme. Deputeti i PD Ferdinand Xhaferaj iu drejtua me tone të ashpra përfaqësuesëve të maxhorancës në Komision duke i pyetur se nga çfarë ka frikë që krijojnë “pengesa” sipas tij të paarsyeshme.
“Do i lutesha zotit Naço kujdes me komentet, mos t’i paragjykojë gjërat. Ne e kemi pranuar që jemi në opozitë, ju keni fituar por në këtë Komision jemi me qëllimin të hetojmë si keni fituar ju dhe pse jemi ne në opozitë. Nuk kuptoj një gjë, për çfarë keni frikë? Ju keni shtet, pushtet, institucionet, ato lokale, pse doni të na pengoni që të shkojmë t’i pyesim? Ju që keni fituar dhe i keni të gjitha nuk e kuptoj”,-tha Xhaferaj.
