Pas debateve në seancën plenare mes deputetit demokrat, Edmond Spaho me kryeministrin Edi Rama në lidhje me Fondacionin shqiptaro- Amerikan që të do të bëjë investime në Butrint, deputeti tjetër i opozitës, Tritan Shehu ka kërkuar menjëherë ndërprerjen e seancës.
Në fjalën e tij, Tritan Shehu i kërkoi kryetares së Kuvendit, Lindita Nikollës të merren masa ndaj kryeministrit Edi Rama, ndërsa kërkoi të mblidhet urgjentisht Konferenca e Kryetarëve.
Kujtojmë se pas replikave me deputetin demokrat, kryeministri Rama u kujtoi edhe njëherë deputetëve se po i shkojnë pas të vdekurit, duke iu referuar Berishës.
Shehu: Kjo është e pandodhshme dhe e papranueshme. Dhe të debatit, kjo është e papranueshme, ju si kryetare ju takon që të ndërprisni fjalën, kur kalohen këto caqe duhet që ti ndaloni. Ju kërkuat që t’i ndërprisnit fjalën Zhupës, por kur ne quhemi hajvan dhe kope nuk ndalon njeri. Cfarë është kjo, janë 2 standarte? Kjo është shumë e rëndë, kërkoj nga ju të mblidhni urgjentisht të Konferencës së Kryetarëve dhe të merrni masa kundër Ramës. Ndaloni seancën.
