Ish-anëtarja e Komisionit të Prokurimit të Inceneratorit të Tiranës, Valbona Ballgjini ka qenë dëshmitarja e radhës në Komisionin Hetimor për Incneratorët. Ballgjini nuk ka pranuar të përgjigjet, pasi sipas saj është e thirrur nga SPAK dhe cilësohet si prishje e sekretit hetimor.
Nga ana tjetër, Jorida Tabaku i ka kërkuar sërish që të përgjigjet duke argumentuar që një gjë të tillë e kanë bërë edhe persona të tjerë që ishin thirrur nga SPAK.
Valbona Ballgjini: Na është lënë porosi që asgjë nuk duhet të dalë. Kam ardhur në respekt të komisionit sot por sot nuk mund të japë asnjë detaj lidhur me këtë procedurë. Edhe është pjesë e sekretit hetimor. Edhe deklaratat nuk na janë dhënë për të mos dalë informacionet nga SPAK dhe nuk na lejohet me atë që janë diskutuar.
Tabaku: Kemi pasur disa të tjerë. Ne nuk i kemi akuzuar se po prish hetimet.
Tabaku: Duke referuar të përgjigjeni është vepër penale.
Felaj: Më jep fjalën për procedurë.
Tabaku: Fjalën e ka zonja Zhupa.
Felaj: Më jep fjalën, çfarë janë këto lojra kalamajsh.
Tabaku: Qetësohu. Me qetësi zonja Felaj.
