Eva Longoria u martua në një ceremoni që mediat e kanë cilësuar gazmore. Aktorja latine u bë gruaja e miliarderit Meksikan Jose Antonio Baston.
Në një intervistë të saj pas dasmës për “Hello” ajo tregon për fustanin dhe detaje të tjera të dasmës.
“I kërkova Victorias që të dizenjonte fustanin tim sepse dëshiroja që ai të ishte shumë i veçantë dhe të punohej me dashuri, dhe e dija që Victoria do të bënte gjithçka me dashuri”, tha ajo duke treguar se fustani ishte dizenjuar nga mikesha e saj, stilistja Victoria Beckham.
“Dëshironim të martoheshim në shtëpinë tonë dhe të bënin një dasmë shumë private. Ne të dy kemi qenë të martuar edhe më parë, kështu që e dime se një dasmë nuk është një martesë, është vetëm një festë e vogël, prandaj zgjodhëm një vend, ku dasma s’do të kthehej në nje event, por ne thjesht do të festonim dashurinë tonë”.
Jose Antonio është edhe babai i tre fëmijëve nga martesa e mëparshme. Eva shton: “Dy vajzat dhe djali i tij ishin të vetmit në festë. Vajzat më shoqëruan mua drejt altarit, dhe fëmijët na ndihmuan me unazat. Nuk jam martuar vetem me Jose, por me të gjithë familjen e tij, kështu që lumturia e tyre ishte qendra e vëmendjes sime.”
Longoria ka qenë e martuar dy here, me aktorin Tyler Christopher dhe me basketbollistin Tony Parker .
