Përplasja e Zhaklin Lekatarit dhe Filloreta Raçit nuk është e vetmja e ndodhur gjatë organizimit të protestave për dhunën seksuale ndaj grave dhe vajzave, duke marë shkas nga rasti i 11-vjeçares së përdhunuar në Kosovë.
Së fundmi edhe Dafina Zeqiri dhe ish-menaxherit të VIP-ave Drin Zatriqi, kanë nisur një luftë virtuale. Gjithçka filloi me një status të këtij të fundit në rrjetet sociale ku kritikonte VIP-at për “lotët e krokodilit” lidhur me rastin e 11-vjeçares së përdhunuar në Prishtinë.
Postimi i Drinit në Facebook ka bërë që Dafina Zeqiri t’i kundërpërgjigjet në Twitter ku ka hedhur edhe akuza të rënda në drejtim të tij.
“Drin Zatriqi, mbylle gojën tënde të pistë. Ti je njeri ma zi se krejt çka i permende! Rrahës i grave! Abuzues! Mos të flasim për sene tjera! Ti më ke kërcënuar e del këndej e han m***”.
I menjëhershëm ka qenë reagimi i Drinit, që me disa shkrime të tjera në Facebook e sfidon këngëtaren për këto akuza, teksa i kërkoi që nëse ka prova t’i bëjë publike.
“Dafina Zeqiri ma paska qëndisur një Twitter. As nuk po e kuptoj bile pse… sidoqoftë. E sfidoj për këtë akuza! Më paska thënë “rrahës i femrave”. Unë po e pyes publikisht me na e tregu me emër e mbiemër vajzën që ajo më paska akuzuar. Ose shihemi në gjyq. Hajde Duffy, tregona!”
Në një tjetër postim të cilin gjithashtu e fshiu, Dafina ka vazhduar të drejtoj pyetje ndaj Drinit për arsyet pse ai ka ikur nga Kosova dhe çfarë ka bërë në Amerikë, ndërsa u shpreh e gatshme për gjyq.
“Mos të flasim pse ke ikur nga Kosova në Amerikë dhe çfarë ke bërë në Amerikë ti! Për gjyq? Hajde kur të duash”.
Ish-menaxheri përveç se e pranoi sfidën e Dafinës për gjyq, ai e ironizoi duke u shprehur se ka shkuar në Amerikë për të njëjtën arsye pse këngëtarja ka ardhur në Kosovë.
