Kalifornia ka lejuar kultivimin e kanabisit ndaj dhe Mike Tyson ka menduar ta shfrytëzojë këtë mundësi.
Ish-kampioni i botës në peshat e rënda në boks ka vendosur që të bëhet prodhues marijuane.
Së bashku me dy ortakë të tij, Robert Hickman dhe Jay Stromen, ‘Iron Mike’ ka strukturuar një sipërfaqe prej 40 hektarësh, në jug të Death Valley, të cilën do ta quajë Tyson Ranch.
Tyson jo vetëm do të kultivojë bimën çudibërëse, por do të implementojë edhe një teknolgji shumë të avancuar për kërkimin shkencor dhe vlerat që ajo ka për shëndetin si dhe do të hapë një shkollë për të mësuar kultivuesit në përmirësimin e përdorimit të saj.
