Kina ka ndërmarrë një nga inkursionet më të mëdha deri më sot në qiejt përreth Tajvanit, ka denoncuar Ministria e Mbrojtjes e ishullit aziatik.
Sipas burimit, 71 avionë të forcave ajrore kineze, përfshirë këtu avionë luftarakë dhe dronë, hynë në të ashtuquajturën zona ajrore e identifikimit të Tajvanit.
Ishulli aktualisht vetëqeveriset, por Kina e sheh atë si një provincë të shkëputur, e cila duhet të bashkohet me tokën mëmë.
Tensionet mes dy palëve janë rritur ndjeshëm në muajt e fundit. Në gusht, Pekini u acarua nga vizita që zhvilloi në ishull kryetarja e Dhomës së Përfaqësuesve të Kongresit amerikan, Nancy Pelosi.
Kina iu përgjigj vizitës duke ndërmarrë stërvitjen më të madhe ushtarake në detin përreth Tajvanit dhe gjithashtu bllokoi shkëmbimet tregtare të ishullit.
Të hënën, Ministria tajvaneze e Mbrojtjes deklaroi se 43 avionë kinezë kishin kaluar të ashtuquajturën “vija e mesme”, një pajisje zyrtare që ndan dy palët brenda zonës së mbrojtjes ajrore.
Vetë autoritetet kineze deklaruan se e kishte organizuar stërvitjen si përgjigje ndaj atyre që i quajti provokime nga ishulli dhe Shtetet e Bashkuara.
