Ministria e Mbrojtjes publikoi sot pamjet e kapjes së personit përgjegjës të zjarrit në ishullin e Sazanit, por në fakt bëri gafë. Personi që u akuzua si piroman nga Ministria e Mbrojtjes është zjarrfikës.
Madje sipas njoftimit që është bërë nga Ministria e Mbrojtjes, e dërguar gazetarëve privatisht, thuhet se Policia gjoja ka nisur menjëherë hetimet për të zbuluar autorin apo autorët e kësaj zjarrvënie që mori përmasa të mëdha.
Por në fakt zjarrfikësi Luan Kapaj, i njohur për heroizmin e tij në luftën kundër zjarreve vitin e kaluar, po ndizte një zjarr të kontrolluar. Një djegie e kontrolluar është një zjarr i vendosur qëllimisht për të hapur breza dhe për të penguar zjarrin e madh që të shpërndahet në të gjithë zonën.
