Rritja e çmimit të naftës nuk po njeh kufij, ku ndonëse qeveria Rama krijoi Bordin e Transparencës për menaxhimin e çmimit që arriti majat, së fundmi është po Bordi që po njofton kërcitje tjetër të naftës.
Së fundmi, Bordi ka vendosur çmimet e reja të hidrokabureve, që do hynë në fuqi sot. Sipas Bordit, çmimi i ri i naftës me pakicë është 245 lekë, nga 233 lekë që ishte më parë. Nafta me shumicë tregtohet me 233 lekë për litër. Për benzinën, çmimi i pakicës është 218 lekë, njësoj me vendimin e fundit, pasi benzina është më e lirë në bursa, ndërsa gazi do tregtohet me 110 lekë litri.
Bordi u mblodh dje më 25 mars dhe ka vendosur se deri më 1 prill çmimi i naftës i shitjes me pakicë do të jetë 245 lekë/litri. Ndërsa kujtojmë se rritja e hidrokarbureve pritet të sjellë një valë të re protestash, pasi qytetarët kanë paralajmëruar një tjetër protestë ditën e premte në orë 17:00 para Kryeministrisë.
