Drejtora e hetimit Tatimor ka referuar pranë Prokurorisë së Rrethit Gjyqësor Tiranë dy çështje “Skema mashtrimi me TVSH-në” vepra e parshikuar nga neni 144/a i K.penal, në këtë skemë mashtrimi me Tvsh-në janë të përfshira 61 subjekte tregetare, me një vlerë demi rreth 94 milion lekë.
Oficerët e Hetimit Tatimor në bashkëpunim me Prokurorinë e Rrethit Gjyqësor Tiranë, pas nje hetimi disa mujor u bë e mundur dokumentimi me fakte dhe prova i veprimtarisë kriminale për 11-të nga subjektet e referuara duke përfituar nga shitjet fiktive që kanë bërë të mundur kreditimin e TVSH-së në blerje.
Subjektet nën hetim që kanë kryer këtë veprimtari kriminale administratorët e të cilëve janë arrestuar janë:
1- “G.T.I”, me nipt L62301013U, me administrator Dhimitër Feno Çelo, me ID J50728029I.
2 – “Ferik&Domi”, me nipt L71604034T, me administrator shtetasin Shkëlqim Telo Hasani me ID G80428047U.
3- “Nobel 2013”, me Nipt L31324010O, me administrator Bujar Murataj.
4- “Unik 87” me Nipt L22210027F me administrator Ruzhdi Murataj dhe Indrit Sulaj.
5- “NVL Trans” me Nipt L52402006V me administrator Novruz Lami.
Janë shpallur në kërkim dhe po punohet për kapjen e tyre edhe për shtetasit me iniciale B. GJ, A. B, E. SH, S. K dhe M. M.
Gjithashtu në këtë skemë kriminale janë përfshirë edhe subjekte të tjera për të cilat vazhdojnë hetimet për dokumentimin e kësaj veprimtarie kriminale dhe vendosjen e autorëve përpara përgjegjësisë ligjore.
