Aktorja hollivudiane, Charlize Theron ka shtuar plot 22 kg për të interpretuar rolin e saj “Tully” të një nëne mbipeshë, gjë që e ka detyruar në shumë raste të ngrihej në orën 2 të natës për të ngrënë ushqime kalorike.
“Dëshiroja të ndihesha si një grua e tillë ndihet realisht dhe mendoj se ishte rruga më e mirë që ta përafroja sa më shumë me rolin. Ishte një surprizë e madhe për mua. Pësova një depresion të madh, sepse për herë të parë në jetën time kam ngrënë aq shumë ushqime kalorike dhe kam pirë aq shumë sheqer. Nuk ka qenë dhe aq kënaqësi për mua ky rol”, zbuloi Charlize Theron.
Aktorja tregoi se problemin më të madh e kishte me dy fëmjët e saj, Jackson 6 vjeçar dhe August 2 vjeç, të cilët mendonin se nëna e tyre ishte shtatzënë: “Kujtonin se prisja një bebe, duke parë barkun tim. Por pjesa më e keqe ishte rënia sërish nga pesha. U desh një vit e gjysmë dhe për mua ishte një ferr”, tha Charlize Theron.
