E gjitha bota i ka sytë te martesa e Princit Harry me amerikanen Meghan Markle. Milliona njerëz nga e gjithë bota e kanë sytë te ceremonia që zhvillohet sot në Berkshire.
Po ndërsa lista e të ftuarve është e kufizuar, kurioziteti për ta ndjekur nga afër këtë ngjarje ka shtyrë mijëra njerëz që prej orëve të para të mëngjesit të zënë një vend si shikues.
Disa të tjerë kanë ngritur tendat që mbrëmjen e kaluar aty, duke fjetur në të ftohtë vetëm e vetëm për të qenë dëshmitarë të këtij evenimenti.
600 të ftuar do të jenë të pranishëm në martesë, në kishën St George. 1200 persona janë ftuar në oborrin e Kështjellës Windsor.
Mbretëresha ka dhënë këto tituj për nipin e saj dhe nusen e tij. Meghan do të bëhet kështu Dukesha e parë e Sussex-it në histori, ndërsa Princi Harry do të jetë Duka i parë i Sussex-it pas 175 vitesh.
