Nga dom Marjan Lumçi
Çfarë Krishtlindjet!
Besojmë apo nuk besojmë, bukuria e këtij Misteri e përfshin në plotësi krejt ekzistencën tonë, sepse Biri i Hyjit futet në historinë e botës, nëpërmjet një shpelle të ftoftë, të varfër dhe aspak komode.
Çfarë Krishtlindjet! Në heshtje të detyruar nga pushteti tokësor; në distancim fizik prej frikës së infektimit; pa darka e festime familjare; pa festime entuziaste; me orë të gjata nëpër pavionet e spitaleve; me lot pa fund për mungesën e shumë të dashurve që nuk jetojnë ma; e gjithë kjo fryt i PANDEMONISË që nuk don me na lanë me e shiju ftesën e ëngjëjve “Mos kini frikë!”.
Uroj që përtej të gjitha situatave që mund të jena duke kalue, kjo Krishtlindje të jetë e Shejte duke ju mbushë të gjitha hapsinat e zemrës tuej me praninë e Atij që ka ardhë për me i dhanë ngrohtësi shpellës së ftoftë që koha ka krijue në ne.
Për shumë mot Kshndellat me zemër të mirë.
