Kryetarja e Komisionit të Apelimit në PD, Adriana Kalaja ka depozituar një kallëzim të ri në SPAK për çështjen e ‘Becchettit’.
Kalaja para mediave është shprehur se kërkojnë që Edi Rama, Erion Veliaj, Belinda Balluku, Engjell Agaçi e të tjerë të mbajnë përgjegjësi penale për dëmin që kanë shkaktuar nëpërmjet veprimeve të paligjshme, duke i hequr buxhetit të shtetit 110 milionë euro.
“Këta persona përgjegjës, Rama, Balluku, Veliaj, Agaçi, të mbajnë përgjegjësi penale në aspekt të dëmit. Dëmin e paguan shkaktari, ne vlerësojmë që dëmi i shkaktuar është përmes veprimeve të paligjshme dhe arbitrare të Ramës, Veliajt dhe të funksionarëve të lartë. Që kanë hequr nga buxheti i shtetit 110 mln euro dhe veprimet arbitrare që e kanë ndryshuar strukturën e Albcontollit, për të mbuluar jo vetëm humbjen e dëmit, por edhe një dëm të pritshëm në të ardhmen të Gjykatës së Arbitrazhit.
Ne s’jemi penalizuar vetëm me 110 mln euro, por dhe një interes +3% nga 31 mars 2018. Ne do paguajmë kamatën. Ditët e fundit, BKH kontroll te Veliaj, edhe pse s’i burracak që është ia faturon bashkëshortes së tij, edhe ajo po hetohet për pasurinë. SPAK të hetojë dhe për dasmën e Veliaj. Janë sekuestruar aparate elektronikë dhe të familjarëve të Veliajt, me këtë rast del edhe përgjegjësia e Veliajt”, tha Kalaja.
“Ne kërkojmë që SPAK, duke qenë se e ka çështjen të kopsitur qartë nga Arbitrazhi të nxjerrë përgjegjësit dhe dëmin e paguajnë shkaktarët. Këtë dëm 110 mln euro s’e paguajmë vetëm ne opozitarët, por edhe vetë SPAK dhe fëmijët e tyre. Të japin drejtësi për çështjen ‘Becchetti’, me këtë parandalojmë edhe raste të tjera, si ai i Tv Ora, që do jetë edhe shumë më e lartë fatura se ‘Becchetti’.
Dosjet për t’u luftuar korrupsioni janë më të ndryshmet, nga Rama, Veliaj dhe anëtarë të qeverisë, apo kryebashkiakë dhe ish-ministra. Nga SPAK edhe pse po tentohet të aludohet se po punon, vazhdon të jetë apatia dhe nën sulmin e presionin politik. Nëse do të luftohet krimi, pastrimi i parave, të nisë nga Rama, me Veliajn dhe më tej me të gjithë personat. Shumë ministra e kryebashkiakë informohen nga SPAK dhe çuditërisht japin dorëheqjen 2 ditë para arrestimit. Dosjet volumize ndaj Veliaj, 55 kallëzime vetëm nga unë, duhet të ishte pas hekurave”, shtoi.
“Veliaj është person nën hetim, i është ndryshuar statusi dhe familjarët e tij po hetohen për të. Veliaj s’ka asnjë lloj shpëtimi si nga SPAK apo kolegët jashtë SPAK, por ndihma e vetme për të është të kthehet në bashkëpunëtor të drejtësisë dhe të tregojë aferën korruptive kriminale të 12 viteve në pushtet,” u shpreh ajo para Prokurorisë së Posaçme”, përfundoi ajo.
