Ish Presidentët e Republikës kanë shkuar bashkë për të bërë nderimet e fundit për kolegun e tyre, Bujar Nishani. Bamir Topi, Alfred Mojsiu, Rexhep Mejdani shkuan bashkë për të nderuar kolegun e tyre, ndërsa me ta ishte dhe një mik nga Kosova. Bëhet fjalë për presidentin e Kosovës, Fatmir Sejdiu.
Pasi kanë vendosur lule dhe kanë takuar familjen, të gjithë janë ulur për të shkruar disa fjalë në librin e kujtimeve, ku pas daljes nga Presidenca, dhanë dhe një deklaratë të shkurtër.
Ish Presidenti Bamir Topi u shpreh se me Nishanin është njohur para 22 vitesh duke thënë se ka pasur një sërë detyrash të rëndësishme.
“Për më tepër kur largohet në një moshë të re duke lënë hidhërim të fortë familjes dhe miqve të tij. Nishanin e kam njohur 22 vite më parë dhe fati e solli pastaj që vit pas viti të jemi bashkë. Ai la mbrapa një vepër shumë komplekse se ka qenë aktivist politik por ka pasur edhe detyra të rëndësishme në 2 kabinete dhe si kryetar shteti. Mbaj mend kur i dorëzova detyrën në 2012. I lehtë i qoftë dheu”, tha Topi.
