Mijëra banorë tajlandezë së bashku me elefantët e tyre të veshur me ngjyra mbretërore janë përkulur në nderim të portretit të Maha Vajiralongkornit.
Ceremonia madhështore e kurrorëzimit të mbretit u zhvillua këtë fundjavë. Mbreti dhe familja e tij qëndronin në ballkon të Pallatit të Madh nga ku shijonin të gjithë këtë shfaqje madhështore dhe përshëndesnin me dorë.
Elefantët të cilët erdhën nga i gjithë vendi, në fund të ceremonisë trumbetuan dhe pozuan për fotografime.
“Na vjen mirë që i kemi shprehur respekt Lartmadhërisë së Tij, madje edhe elefantët treguan respekt ndaj tij. Këtë e kanë bërë shumë mirë”, ka thënë njëri prej të pranishmëve.
Tajlandezët i konsiderojnë elefantët e bardhë si simbol i shenjtë i fuqisë mbretërore, ndërsa elefanti ishte simbol në flamurin kombëtar deri në vitin 2017.
Vajiralongkorn e ka marrë fronin më 2016, pas vdekjes së babait të tij, ndërsa këtë fundjavë në ceremoninë treditore edhe u kurorëzua.
