Administratori i “Sigal Uniqa Group Austria”, Avni Ponari ka reaguar lidhur me grabitjen e bërë pasditen e djeshme në aeroportin e Rinasit.
Ponari është shprehur se paratë e grabitura janë të siguruara, edhe ata që dëmtohen janë kompanitë e sigurimit dhe qytetarët.
Gjithashtu Ponari shton se ne konsiderohemi si vend me rrezikshmëri të lartë për kompanitë siguruese botërore.
“Paratë janë të siguruara dhe nga kjo grabitje dëmtohen qytetarët, por edhe kompanitë e sigurimit. Kompanitë siguruese botërore kanë ndezur llampën e kuqe për Shqipërinë. Ne cilësohemi si vendi me rrezikshmëri të lartë lidhur me këto problematika. E nga ana tjetër vendi është i pambuluar nga tregu i siguruar.”- është shprehur ai.
