Çmimi i vezës po rritet çdo ditë në vendin tonë dhe sot ka shënuar shifra rekord. Kriza e përgjithshme e ushqimeve për shkak të luftës në Ukrainë, ka prekur edhe vezën, e cila edhe pse në vendin tonë së fundmi gripi i shpendëve ka rritur frikën e konsumit të tyre, çmimi i një kokrre vezë ka arritur vlerën 44 lekë.
Pak ditë më parë një kokërr vezë blihej me gjysmën e çmimit. Sot veza e paketuar e cilësisë së parë kushton 30 deri 44 lekë në Tiranë. Për familjet e varfra në vend, rritja e çmimeve është goditje e fortë për familjet dhe sidomos pensionistët, të tanimë e konsiderojnë vezën luks. Ekspertët thonë se si pasojë e ngordhjes së mijëra pulave në Durrës dhe jo vetëm, çmimi i vezëve është shtrenjtuar 7 herë në 13 ditë.
