Në Teatrin e Operës dhe Baletit të Tiranës, për herë të parë vjen opera tragjike me dy akte e Vincenzo Bellini-t, “I Capuleti e I Montecchi”.
E veçanta në Tiranë, është që opera vihet në skenë nën drejtimin e tre artisteve gra, regjisorja zvicerano-turke Ailyn Bozok, cilësuar në Turqi si një nga regjisoret më të reja që vuri në skenë një vepër në Teatrin Nacional të Turqisë, asistentregjisorja Ada Gura dhe dirigjentja Elda Laro.
Pianistja dhe dirigjentja Elda Laro, që rikthehet në Tiranë pasi dirigjoi “Carmina Burana”, po punon që nga Janari i vitit 2016 pranë Operas së Berlinit si Korepetitore. Me parë ajo ka qënë Drejtor Muzikor i Skenës për tre sezone ne teatrin e Münster-it. Në dhjetor të vitit 2015 ajo angazhohet në drejtimin muzikor të operas “Carmina Burana” nga C.Orff. Si drejtuese e korit koncertal të Münster-it, ajo ka dirigjuar koncerte të ndryshme, ndër të tjera në verën e vitit 2014 „Deutsche Requiem“ nga J.Brahms në një Turne në Itali.
Premiera e operës në TKOB është në datën 20, për të vazhduar më 24, 26 dhe 27 mars 2016.
