Ministri i Jashtëm në detyrë i Shqipërisë Gent Cakaj është përplasur në një diskutim sot me homologun e tij serb Ivica Daçiç gjatë Ministerialit të Varshavës.
Cakaj ka ndërhyrë pasi homologu i tij serb Daçiç kërkoi që ministri i Jashtëm kosovar Behgjet Pacolli të mos merte pjesë në takim, duke u larguar edhe simbolikisht nga salla.
“E di që po më dëgjon, prandaj po të flas. Fjalimi i Daçiç është një retorikë e shekullit të XX-të dhe totalisht pa vend e pa sens. Daçiç ka 28 vite në politikë e unë kam 28 vite jetë. Por për shkak të 28 viteve të tij, unë kam 28 vjet refugjat“, ka thënë ministri i Jashtëm Cakaj.
Pas ndërhyrjes së Cakajt, Daçiç ka kërkuar të marrë fjalën sërish por nuk është lejuar nga drejtuesi i takimit.
