Situata në qarkun e Gjirokastrës vijon të jetë kritike për shkak të motit të keq. Diga e përroit në fshatin Hundëkuq është çarë si pasojë e vërshimit të ujërave të shiut, duke rrezikuar kështu përmbytjen e rrugëve. Mes dy fshatrave në Labovë, rruga rurale shfaqet problematike si pasojë e rrëshqitjeve të dherave. Në disa zona ka ende mungesë të energjisë elektrike.
Përkeqësimi i motit, ka shkaktuar probleme në disa zona të vendit. Shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar përmbytje në disa zona në Fushë-Krujë. Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç. Aktualisht janë disa banesa të rrethuara nga uji rreth në fshatin Murqinë dhe Mallkuç.
