Dhe pse u bënë disa muaj që i dhanë fund romancës së tyre, reperi Don Xhon dhe Ariana Lirey vazhdojnë ende të komentohen në publik.
Disa ditë më parë qarkulloi në rrjet një video e reperit nga Drenica dhe Era Istrefit ku performojnë në një club. Teksa afrohen me njëri-tjetrin gjatë përformancës, Don Xhon i jep një puthje këngëtares, një gjest që u prit me brohorima të mëdha nga publiku. Së fundmi modelja ruse ka realizuar një bisedë virtuale me ndjekësit e saj, ku nuk munguan as pyetjet rreth ish- partnerit. Ndjekësi e ka pyetur modelen se çfarë mendon në lidhje me videon që po qarkullon në rrjet me dy këngëtarët dhe përgjigja e saj e tregoi shumë qart se ajo e ka hedhur pas krahëve romancën me reperin.
“Çfarë mendon për videon e Donit me Erën?”- u pyet ajo.
“Ai është ishi im dhe mund të bëjë çfarë të dojë”– u përgjigj Ariana.
Kujtojmë ndarja e Don Xhonit dhe modeles ruse Ariana Lirey bëri bujë të madhe pas deklaratave dhe akuzave që bënë publikisht ndaj njëri-tjetrit. Pas ndarjes nga modelja ruse, u raportua se reperi ishte në një flirt me ish-Miss Serbia, Tia Alkerdi, por nuk pat iasnjë reagim nga ky i fundit. Lajmin e ndarjes së tij dhe Arianës e konfirmoi vetë modelja përmes disa shkrimeve në “Instastory”.
Pas disa akuzave nga Ariana, reagoi gjithashtu edhe reperi i cili u shpreh se për modelen ka një respekt të madh pasi ishte pjesë e jetës së tij dhe se nuk do ta harrojë asnjëherë. Reperi gjithashtu tha se çdo gjë e ka një fund dhe e këshilloi modelen të mos luajë viktimën pasi nuk është e tillë. Nga ana tjetër modelja ruse iu kundërpërgjigj duke i thënë se do t’i binte maska e djalit të mirë. Disa ditë më vonë ish-i i Don Xhonit, reagoi sërish në ‘stoy’ dhe u shpreh se u nda me reperin pasi janë të ndryshëm nga njëri-tjetri dhe se vendimin për t’i dhënë fund e ka marrë ajo.
“Faleminderit për fjalimin prekës, por që të dy e dimë shumë mirë përse e shkruajte. Je mësuar të kesh dashurinë e të gjithëve kështu që mbaje. Ti bën muzikë të mirë por “maska e djalit të mirë” do të dalë përsëri. Faleminderit për të gjitha dhe lamtumirë”- shkroi Ariana.
