Deputetja e Partisë Demokratike, Zheni Gjergji e ka cilësuar mashtrim buxhetin e arsimit të prezantuar një ditë më parë nga kryeministri Edi Rama.
Me një postim në Facebook, Gjergji thotë se teksa kryeministri propagandon buxhetin për vitin 2022 me shifra marramendëse, arsimtarët në Belsh nuk janë likuiduar për transportin për 4 muaj.
“Ironia vazhdon ende! Kryeministri propagandon buxhetin për vitin 2022 me shifra marramendëse por ndërkohë faktet flasin . Sot, në datë 14.11.2021, arsimtarët e ZVAP Belsh vazhdojnë të palikujduar për transportin e muajve Maj, Qershor, Shtator e Tetor. Kjo është deklarata e bërë më datë 07.10.2021 nga drejtori i ZVA Belsh, ku premton që mësuesit do të marrin paratë e transportit brenda këtij muaj. https://youtu.be/GXdJsZL1lYU. Pagesa ende nuk është bërë e qeveria urdhëron që mësuesit të mbahen në qetësi e të mos flasin”, shkruan jo.
