Deputetja e Partisë Demokratike, Ina Zhupa në një deklaratë për mediat, i ka bërë thirrje presidentit Ilir Meta që mos të dekretojë ligjin për marrëveshjen e Butrintit pasi e konsideron anti kushtetues.
“Presidenti të rrëzojë marrëveshjen për Butrintit. Butrinti i kalon në administrim 4 personave privat. Ministrja vetëm për dy vjet drejton bordin e këtij fondacioni. I dorëzojmë arkën e Butrintit në menaxhim fondacionit. KLSH është përjashtuar nga auditimi i Fondacionit. Ligji është anti-kushtetuese nuk duhet të dekretohet. Ligji rrezikon historinë shqiptare”, tha Zhupa.
Debati për Butrintin ka nisur prej disa javësh pasi qeveria kërkoi t’ia kalojë Fondacionit Shqiptaro-Amerikan AADF ku fillimisht ministria e Kulturës deklaroi procedurën sekrete duke sjellë dhe kundërshtimin e fortë të deputetes së Partisë Demokratike Ina Zhupa për një marrëveshje e cila sipas saj e jep me koncesion për 10 vjet Butrintin në dorë të të huajve.
