“Problemi real për PD nuk janë zgjedhjet por frika nga drejtësia”, ka deklaruar minsitri i Jashtëm Ditmir Bushati.
Në një intervistë për “Koha Ditore”, Bushati tha se dyshja Berisha-Basha ka marrë peng zbatimin e reformës në kundërshtim me atë që kërkojnë 93% e shqiptarëve.
“Çdo krahasim i këtyre situatave do të ishte i mangët, por gjithsesi ka një fill që i përshkon të gjitha: është ajo që unë e kam cilësuar “stress-test-i” i drejtësisë. Sepse në forma e mënyra të ndryshme gjithkund vihet re një rezistencë ndaj veprimit të drejtësisë, forcimit të shtetit ligjor. Gjithkush e kupton se problemi real për PD nuk janë zgjedhjet por frika nga drejtësia. Dyshja Berisha-Basha ka marrë peng zbatimin e reformës në kundërshtim me atë që kërkojnë 93% e shqiptarëve”, tha Bushati.
Në lidhje me të ashtuquajturën “Shqipëria e Madhe”, Bushati shprehet se kjo ide është “pjellë e frikës së bartur historikisht nga të tjerë”.
