Kjo është gruaja fatkeqe, e cila u vra pasditen e djeshme, teksa bashkëshorti i saj e goditi me sëpatë.
Menturie Bici 53-vjeç, gjeti vdekjen në dhomën e gjumit, sepse u qëllua disa herë në kokë e trup nga i shoqi Qemal Bici 56-vjeç. Më pas, ky i fundit i dha fund edhe jetës së tij duke u varur në një pemë.
Sipas të dhënave paraprake ka dyshime se krimi i rëndë të ketë ardhur si pasojë xhelozisë, ndërsa mësohet që çifti ka patur konflikte edhe më parë. Autori i krimit pinte shpesh alkool, ndërsa dyshonte që bashkëshortja e tradhtonte me ish-drejtorin e shkollës në Dragostunjë.
Ky i fundit pas disa konfliktesh qe transferuar në një shkollë tjetër.
Çifti kishte 4 fëmijë, ndërsa ka qenë djali i tyre 18-vjeçar që i ka gjetur të vdekur dy prindërit.
