Kuvendi votoi të hënën që të rihapte garën pranë Avokatit të Popullit, për kandidatët që do të bëjnë Vettingun, por asnjë hap nuk është hedhur në këtë drejtim. Procesi ka mbetur pezull për shkak të burokracive.
Të gjithë dokumentat e aplikantëve, lista A, lista B dhe lista e zezë e ONM-së, duhet të rimerren nga Avokati i Popullit, duke i protokolluar një nga një. Vetëm pas kësaj, gara quhet e rihapur. Por nga ana e Avokatit nuk është bërë asnjë veprim i tillë duke e lënë dokumentacionin stok në Kuvend.
Sipas vendimit të Kuvendit, të votuar nga maxhoranca në datën 6 mars, rihapja e aplikimeve nis ditën kur Igli Totozani rimerr dokumentet e dërguara në Kuvend. Nga ai moment fillon numërimi mbrapsht i afateve Kushtetuese.
