Ministri i Drejtësisë Ulsi Manja ka njoftuar se burgu i Zaharisë mbyllet brenda muajit Nëntor
“Aktualisht në IEVP Zahari janë 329 persona me masa mjekësore. Është një problem i mbartur. Ka një rekomandim të këshillit të Europës dhe avokatit të popullit. Kjo kategori personash, me masë mjekësore do duhet të kalojnë në administrim të ministrisë së Shëndetësisë. Kemi dakordësuar si zgjidhje tranzitore deri në marrjen në administrim të një institucioni të posaçëm mjekësor, të përshtasim bllokun 4 dhe 5 në burgun e Shën Kollit. Burgu i Zaharisë do të mbyllet në muajin nëntor. Me të marrë vlerësimin e ekspertëve përkatës do firmos lëvizjen e këtyre persona nga Zaharia në drejtim të Shën Kollit dhe Zaharia do të mbyllet”, tha Manja.
