Bajer Leverkusen ka filluar të hedhë “rrënjë” të forta në qëndrimin e analistëve gjermanë e më gjerë se ata mund t’i marrin “kurorën” Bajernit në Bundesligë pas 11 vitesh radhazi si kampionët. 34 pikë nga 36 të mundshme pas 12 javësh, nisje rekordesh në kampin e Leverkusenit dhe ligën gjermane. Megjithatë, diferenca e ngushtë prej 2 pikësh nga Kejn me shokë e bën disi të vështirë perceptimin se “aspirinat” i kanë të gjitha “kartat” për t’i rezistuar deri në fund “uraganit” nga Mynihu.
Për t’i shtuar më tepër këto dyshime se Leverkusen e ka thuajse të pamundur fitimin e titullit ka menduar edhe “Opta Sports”, e cila është një kompani angleze rreth futbollit. Ajo realizon parashikime në bazë analitike. Në Ishull, por jo vetëm, të dhënat e këtij institucioni kanë rezultate të sakta dhe ka fituar popullaritet, aq sa besohet në masë.
REZULTATET-Edhe pse Ksabi Alonso në krye të Leverkusenit po prodhon rezultate dhe lojë mbresëlënëse, superkompjuteri s’ka asnjë dyshim, Bajern Mynihu fiton kampionatin për të 12-ën etapë radhazi. Mundësia që rekordmenët e Gjermanisë të “hipotekojnë” sërish Bundesligën është 80.4. Nga ana tjetër lideri aktual ka vetëm 17.6% që trofeu të shkojë në “BayArena”. Probabiliteti më i lartë është pozita si nënkampion për Xhakën me shokë, konkretisht 61.2%. Sipas kësaj “teorie”, Lajpcigu do ta mbyllë i 3-ti, teksa Dortmundi do sigurojë biletën e fundit për në Ligën e Kampionëve sezonin e ardhshëm, duke e zhvendosur Shtutgartin në vendin e 5-të.
TESTET-Muaj dhjetor i jep fund fazës së parë në ligën gjermane dhe është e vështirë të prezantosh ide të qarta se cili ekip do ta mbyllë si kampion dimri. Nëse u referohemi rivalëve të Leverkusenit dhe Bajernit, rezulton se “aspirinat” do matin forcat me kundërshtar më “të rëndë” se të besuarit e Tomas Tuhel. Specifikisht kryesuesit “përplasen” me Dortmundin në datën 3 dhjetor, për të vijuar me Shtutgartin në shtëpi. Frankfurti do jetë mysafir në 17 dhjetor, për t’i vënë kapak fazës së parë tri ditë më vonë ndaj Bohumit. Gjigantët nga Mynihu hasin në letër “pengesa” më të thjeshta si Union Berlini, Frankfurti, Shtutgarti dhe Volfsburgu. /Panorama Sport/
Bajer Leverkusen ka filluar të hedhë “rrënjë” të forta në qëndrimin e analistëve gjermanë e më gjerë se ata mund t’i marrin “kurorën” Bajernit në Bundesligë pas 11 vitesh radhazi si kampionët. 34 pikë nga 36 të mundshme pas 12 javësh, nisje rekordesh në kampin e Leverkusenit dhe ligën gjermane. Megjithatë, diferenca e ngushtë prej 2 pikësh nga Kejn me shokë e bën disi të vështirë perceptimin se “aspirinat” i kanë të gjitha “kartat” për t’i rezistuar deri në fund “uraganit” nga Mynihu.
Për t’i shtuar më tepër këto dyshime se Leverkusen e ka thuajse të pamundur fitimin e titullit ka menduar edhe “Opta Sports”, e cila është një kompani angleze rreth futbollit. Ajo realizon parashikime në bazë analitike. Në Ishull, por jo vetëm, të dhënat e këtij institucioni kanë rezultate të sakta dhe ka fituar popullaritet, aq sa besohet në masë.
REZULTATET-Edhe pse Ksabi Alonso në krye të Leverkusenit po prodhon rezultate dhe lojë mbresëlënëse, superkompjuteri s’ka asnjë dyshim, Bajern Mynihu fiton kampionatin për të 12-ën etapë radhazi. Mundësia që rekordmenët e Gjermanisë të “hipotekojnë” sërish Bundesligën është 80.4. Nga ana tjetër lideri aktual ka vetëm 17.6% që trofeu të shkojë në “BayArena”. Probabiliteti më i lartë është pozita si nënkampion për Xhakën me shokë, konkretisht 61.2%. Sipas kësaj “teorie”, Lajpcigu do ta mbyllë i 3-ti, teksa Dortmundi do sigurojë biletën e fundit për në Ligën e Kampionëve sezonin e ardhshëm, duke e zhvendosur Shtutgartin në vendin e 5-të.
TESTET-Muaj dhjetor i jep fund fazës së parë në ligën gjermane dhe është e vështirë të prezantosh ide të qarta se cili ekip do ta mbyllë si kampion dimri. Nëse u referohemi rivalëve të Leverkusenit dhe Bajernit, rezulton se “aspirinat” do matin forcat me kundërshtar më “të rëndë” se të besuarit e Tomas Tuhel. Specifikisht kryesuesit “përplasen” me Dortmundin në datën 3 dhjetor, për të vijuar me Shtutgartin në shtëpi. Frankfurti do jetë mysafir në 17 dhjetor, për t’i vënë kapak fazës së parë tri ditë më vonë ndaj Bohumit. Gjigantët nga Mynihu hasin në letër “pengesa” më të thjeshta si Union Berlini, Frankfurti, Shtutgarti dhe Volfsburgu. /Panorama Sport/
