Anders Behring Breivik, personi që tronditi Norvegjinë duke vrarë 77 persona në vitin 2011, ka thënë përpara gjykatës se shteti ka bërë përjekje ta vrasë atë, duke e mbajtur pesë vjet në izolim.
Ekstremisti i krahut të djathtë ka paditur Qeverinë e Norvegjisë, duke u ankuar se kushtet e tij në burg shkelin të drejtat e njeriut.
Akuza këto që hidhen poshtë nga shteti.
Gjatë dëshmisë së tij, Breivik i ka thënë gjykatës se do të ishte më humane të vritej sesa të trajtohej si kafshë për pesë vjet.
Ankesat e Breivikut gjatë dëshmisë së tij kanë përfshirë: përdorimin e gotave të plastikës dhe pjatave të letrës, ushqime të përgatitura me mikrovalë, kafe të ftohtë, mohimin e së drejtës për të takuar miq nazistë dhe për t’u martuar me një të tillë, si dhe pengimin e botimit të dy librave të tij.
Zyra e Prokurorit të Përgjithshëm në Norvegji ka thënë se kushtet e Breivikut në burg janë “brenda kufijve” ligjore.
Qelia e tij në burgun Skien ka TV dhe kompjuter, por jo internet.
