Ish-prokurori Tom Dedaj i shkarkuar nga detyra më 12 dhjetor të vitit 2019 ka bërë një reagim të ashpër ndaj KLP për shkak se ka marrë në rishqyrtim kërkesën e tij. Në shkrimin e bërë publik, Dedaj thotë se nuk ka marrë asnjë njoftim për këtë si dhe shton se nuk ka paraqitur asnjëherë kërkesë ndaj institucionit. Ndër të tjera, ai i cilëson si “mashtrues e injorantë” organet e vettingut.
“Nga mediat jam informu se na qenka mbledhë disa herë Kolegji i Posaçëm e Apelimit dhe paska shqyrtu një kërkesë timen gjoja dhe në fund paska vendosë pushimin e gjykimit mbi bazën e kërkesës time…..
Çfarë turpi…çfarë skandali…
1.Kolegji thote kemi zhvillu seanca të tëra për çështjen time…kur mua smë ka njoftu kurrë. 2. Kolegji thotë marrim në shqyrtim kërkesën e dërguar pranë nesh nga kërkuesi Tom Dedaj kur unë kurrë nuk i kam paraqitur kërkesë atij institucioni.
3.Unë i jam drejtuar me kërkesë Gjykatës Administrative të Apelit sipas ligjit. Kjo e fundit pasi e mbajti në gjykim një vit…po po një vit..në një seancë shpalli moskompetencën dhe për 5 kërkime të kërkesë padisë bëri kompetente Gjykatën e Shkallës së Parë Administrative Tiranë e për tre kërkime Kolegjin e Posaçëm të Apelimit.
Pasi mbërriti çështja në Gjykatën e Shkallës së parë kjo gjykatë e bëri çështjen konflikt mosmarrveshje kompetence në Gjykatën e Lartë. Aktualisht çështja është në Gjykatën e Lartë për zgjidhjen e mosmarrveshjes së kompetencës.
4.Ndërkohe na mblidhet Kolegji i Posaçëm i Apelimit e me datën 20 korrik pasi konstaton mosprezencën time jep vendimin absurd……pushimin e gjykimit të çështjes me kërkesën e kërkuesit Tom Dedaj….pra unë pa ditur fare se zhvillohet seancë gjyqesore kundër meje,i panjoftuar,në mungesë paraqitkam kërkesë për pushim gjykimi.
Ja o njerëz këto janë organet e vetingut…të mbushur me mashtrues e injorantë…..këta po gjykojnë prokurorë e gjyqtarë…..”, shkruan Dedaj.
Ish prokurori i bën thirrje prokurorëve dhe gjyqtarëve që të braktisnin procesin e vettingut teksa shton se e shkarkuan padrejtësisht si të korruptuar.
“Po ashtu ju bëj me dije se Prokuroret anëtar të Këshillit të Lartë të Prokurorisë që padrejtësisht vendosën shkarkimin tim u shkarkuan si të korruptuar nga ky Kolegj i Posaçëm Apelimi si Antoneta Sevdari,Besnik Cani,Gentjan Osmani dhe Arben Dollapi.
Prandaj ju bëj thirrje edhe një herë prokurorëve e gjyqtarëve ikni braktisni këtë proces farsë….
Braktisin detyrën mbyllini zyrat, bllokoni sistemin”, përfundon shkrimin Dedaj.
