Deputeti socialist Erion Braçe vijon përplasjen me ministren e Bujqësisë, Frida Krifca në lidhje me tregun e fermerëve dhe rregullat e vendosura nga grumbulluesit që fitojnë shumë herë më shumë se prodhuesit. Braçe thotë se tashmë grumbulluesit janë bërë prodhues dhe nuk grumbullojnë prej ditësh në zonat ku prodhohet shalqini.
Ai thotë se pikën e grumbullimit ia ka ngritur AZHBR me paratë dhe taksat e bujqve me anë të një kontrate që nuk ka asnjë detyrim për ta në raport me bujqit.
“Ja pse bërtas unë Tërbuf, poshtë Grabianit
Në Fushë, dje- nga mëngjesi në drekë; Une: i kujt është shalqini?
Punëtori: i të zotit!
Unë: për kë po grumbullon?
Punëtori: për vete!
Unë: po kush është ky që po grumbullon për vete?
Punëtori: po ku di unë Erion, unë punetor jam.
Une: po mirë, shyqyr po vilni, t’u vëj mbarë!
Në drekë;
Unë: u lodhët!
Punëtori tjetër: po pak, shyqyr është më freskët sot.
Unë: erdhi i zoti?
Punëtori: jo, erdhi makina, do ngarkojmë tani.
Une shoh makinën dhe emrat në të: lëre lëre e kam të qarte tani. Si thashë në kuvend;
Grumbulluesit janë bërë edhe prodhues të shalqinit, prodhojnë vetë në tërbuf dhe nuk grumbullojnë prej ditësh as në cerma, as në bicukas, as në sulzotaj, as në imshte, as në eskaj, as në gjonas!
Po shesin shalqinin e tyre!
Nuk humbin asnjë qindarkë si prodhues, sic bujku që ju shet nën kosto shalqinin “sipas lojës” që këta udhëheqin!
Jo, konkretisht ky prodhuesi i tërbufit po eksporton me 30 cent të euros!
E kuptoni sa shumë po fiton?
Ta kish ngritur vetë pikën e grumbullimit, magazinën e frigoriferët, patjetër që nuk do bëja zë.
Por ja ka ngritur azhbr, me paratë e taksave edhe të bujqve!
Ne nje kontrate mizerabel qe nuk ka asnje detyrim per ta ne raport me bujqit!
Kjo eshte e padrejte!
Ndaj bertas une!”-shkruan Braçe.
