Deputeti i Partisë Socialiste, Erion Braçe ka bërë publike disa foto që vijnë nga një magazinë në Këmishtaj të Fierit. Braçe tregon se magazina është plot me grurë i cili më pas bëhet miell e u shpërndahet familjeve të varfra. ‘Kur ke mend më shumë se një ministri e tërë’- është fjalia me të cilën nis statusin e tij Braçe, duke treguar se gruri është pronë e ekonomisë ndihmëse të Kryqit të Kuq shqiptar e se ideja e projektit ishte e Gjergj Legisit. Po ashtu ai bën të ditur se kjo ndihmë që po u bëhet familjeve në nevojë vjen në kohë, pas dy viteve të vështira për to.
“#GRURI KUR KE MEND MË SHUMË SE NJË MINISTRI E TËRË! Ja, magazinat plot! GRURI U PRODHUA MASIVISHT NË TOKAT E KEMISHTAJT! Ndërkohë, gruri i prodhuar është pronë e EKONOMISË NDIHMËSE TË KRYQIT TË KUQ SHQIPTAR! Idea e Projekti ishin të Gjergj LEGISIT; Tokat djerrë në Këmishtaj u morën me qira nga fshatarët, u mbollën e u shërbyen, prodhimi u ndoq nga agronomët vendas e një mik i mirë e i vjetër-Ndre LEGISI, financimi i gjithi i KRYQIT TE KUQ; Gruri bëhet MIELL e u shpërndahet familjeve të varfra, në nevojë për të zbutur varfërinë! TAMAM NË KOHË, NË DY VITET MË TË VËSHTIRA!”, shkruan Braçe.
